Frægir keyptu og seldu!

Mest lesna fasteignafrétt Smartlands er fréttin um húsið við Árland 1 sem Steingrímur Wernersson setti á sölu. Fasteignamat hússins var 195 milljónir þegar það var sett á sölu og var brunabótamat 169 milljónir. 

Árland 1 í Fossvogi.

Árland 1 var byggt 2007 og var ekk­ert til sparað til að gera húsið sem glæsi­leg­ast. Húsið er 584 fm að stærð með heit­um potti í garðinum, tveim­ur inn­isund­laug­um og þar af einni öldu­laug. Húsið stend­ur á skjólgóðum stað í Foss­vogi og er húsið byggt í U sem ger­ir það að verk­um að í skot­inu hjá U-inu verður afar hlýtt á góðviðris­dög­um. 

Frétt af Smartlandi: Eitt dýrasta hús landsins komið á sölu

Selma Björnsdóttir seldi íbúð sína við Barmahlíð. mbl.is/Eggert Jóhannesson

Söngkonan, leikkonan og leikstjórinn Selma Björnsdóttir ákvað að flytja á árinu sem er að líða. Selma setti íbúð sína við Barmahlíð á sölu og viti menn. Íbúðin seldist á korteri eða svo, sem er ekkert skrýtið, því fréttin um að Selma væri að selja er næstmestlesna fasteignafrétt Smartlands 2016. 

Frétt af Smartlandi: Selma selur Barmahlíðina

Sigmundur Davíð Gunnlaugsson og Anna Sigurlaug Pálsdóttir. mbl.is/Eva Björk Ægisdóttir

Smartland flutti fréttir af því að Sigmundur Davíð Gunnlaugsson og Anna Sigurlaug Pálsdóttir hafi búið í krúttlegu húsi á Lokastíg þegar þau stofnuðu Wintris, sem er félag í þeirra eigu sem var hýst í Panama. 

Frétt af Smartlandi: Hér bjuggu þau þegar Wintris var stofnað

Ódýrasta íbúð ársins var til umfjöllunar á Smartlandi. Um er að ræða 23 fm kjallara við Karlagötu í Reykjavík. Handlaginn hefði getað breytt þessum 23 fm í höll með málningu, nýjum gólfefnum og fleiru. 

Frétt af Smartlandi: 8,5 milljóna íbúð

Magnús Orri Schram og Herdís Hallmarsdóttir með börnin, Hallmar Orra Schram og Sigríði Maríu Egilsdóttur. mbl.is/Golli / Kjartan Þorbjörnsson

Svo voru það Magnús Orri Schram og Herdís Hallmarsdóttir sem ákváðu að selja raðhús sitt í Kópavogi. Um er að ræða hús eftir arkitektinn Sigvalda Thordarson og var slegist um húsið eftir að það birtist á Smartlandi. Færri komust að en vildu en vita það allir sem eitthvað vita að það er gott að búa í Kópavogi. 

Frétt af Smartlandi: Magnús Orri og Herdís selja Sigvaldahúsið

Gunnar og Jónína Ben eru að flytja. mbl.is/Haraldur Guðjónsson

Stjörnuparið Jónína Benediktsdóttir og Gunnar Þorsteinsson ákváðu að selja hús sitt við Frostaþing í Kópavogi. 

„Við Jón­ía Ben eig­in­kona mín, höf­um tekið mjög erfiða ákvörðun, þá að selja húsið okk­ar á Íslandi. Húsið er við Frostaþing 13 í Kópa­vogi, en þar höf­um við búið okk­ur griðastað og lagt allt í að gera hluti eins vand­lega og okk­ur hef­ur verið unnt,“ skrif­ar Gunn­ar Þor­steins­son, eða Gunn­ar í Kross­in­um eins og hann er gjarn­an kallaður.

Frétt af Smartlandi: Jónína Ben og Gunnar að flytja

Hér sést umbrot rýmisins betur.

Smartland flutti frétt af því um mitt sumar að ein sérstakasta íbúð miðbæjarins væri komin á sölu. Það er engin lygi því um er að ræða bíósal Stjörnubíós sem breytt var í íbúð - og svona líka huggulega. 

Frétt af Smartlandi: Breytti bíósal í íbúð

Birna Rún Gísladóttir, Katrín Borg Jakobsdóttir og Jakob Frímann Magnússon. mbl.is/Stella Andrea

Jakob Frímann Magnússon og Birna Rún Gísladóttir settu glæsilega íbúð sína við Bjarkagötu í Reykjavík á sölu. Um er að ræða hæð og kjallara sem seldist fljótt og örugglega. 

Frétt af Smartlandi: Jakob og Birna selja Bjarkargötuna

• Blogga um frétt