Guðrún Ólöf selur íbúðina

Við Skerjabraut á Seltjarnarnesi stendur afar heillandi 137 fm íbúð. Húsið sjálft er nýtt en það var byggt 2015. Ljósar innréttingar eru áberandi og í eldhúsinu er hvít glansandi sprautulökkuð innrétting. 

Heimilið í heild sinni er ákaflega fallegt en það er smekkkonan Guðrún Ólöf Gunnarsdóttir sem er að selja íbúðina. Heimili og Hönnunarblað Morgunblaðsins tók hús á henni síðasta haust og fékk að vita meira um hugsunina á bak við heimilið. Þegar hún var spurð út í stílinn á heimilinu sagði hún: 

„Hann er héðan og þaðan, þetta er eng­inn sér­stak­ur stíll, bara pínu bland í poka. Það sem mér finnst fag­urt þarf ekki endi­lega vera eitt­hvað merki­legt, það get­ur al­veg eins verið drasl úr Góða hirðinum,“ seg­ir Guðrún Ólöf um stíl sinn. 

Nú er Guðrún Ólöf búin að setja íbúðina á sölu. 

Af fasteignavef mbl.is: Skerjabraut 1