Glæsihúsið við Láland 1 í Fossvogi er komið á sölu. Húsið varð frægt þegar Björgólfur Thor Björgólfsson athafnamaður bjó í húsinu fyrir nokkrum árum ásamt fjölskyldu sinni.
Húsið sjálft, sem er 502 fm að stærð, var byggt 1974. Húsið var tekið í gegn og endurnýjað 2004. Í því eru sérsmíðaðar innréttingar og hurðir frá Borg. Ljós og ljósahönnun var í höndum Lumex en í húsinu eru granítborðplötur, vönduð tæki og halógenlýsing eru í forgrunni. Árið 2006 var neðri hæðin tekin í gegn.