Hvern dreymir ekki um tveggja hæða penthouse-íbúð á besta stað í 101 Reykjavík með útsýni út á sjó? Ef þú ert einn af þeim þá er þessi 121 fm íbúð við Klapparstíg 7 tilvalin fyrir þig.
Efri hæðin er með um það bil 20 óskráðum fermetrum sem eru undir súð. Íbúðin er því örlítið stærri en fasteignamat segir til um. Á efri hæðinni eru herbergi og sjónvarpsherbergi og fleira slíkt.
Á neðri hæðinni er aðalrými íbúðarinnar. Þar er opið eldhús með eyju og tvöföldum amerískum ísskáp. Eyjan er steinlögð og er loftið fyrir ofan eyjuna tekið niður. Þar er líka hugguleg stofa og hægt að ganga út á svalir.
Íbúðin er smekklega innréttuð og fá til dæmis litir á borð við gulan og grænan að njóta sín.