Lífið og tískusveiflur hafa tilhneigingu til að fara í hringi, svo það sem einu sinni var tíska, kemur aftur í tísku, bara með dálítið öðru yfirbragði. Mér datt þetta í hug þegar ég hlustaði á þáttinn hjá Sirrý á sunnudaginn og heyrði Aðalheiði Héðinsdóttur í Kaffitári lýsa því hvernig uppáhellt kaffi er nú aftur komið í tísku. Einhvern veginn er það svo að kaffivélarnar ná ekki að laða fram samskonar bragð af kaffinu og gamla uppáhellingin gerði.

Mér var hugsað til baka til þess tíma er ég var að læra að hella upp á kaffið fyrir móður mína. Þá var reyndar ennþá sett Export út í kaffið til að drýgja það, þar sem ekki var mikið til af því eða það þótti of mikil munaðarvara. Kaffipokinn móður minnar var út taui, eins og ég held allir kaffipokar í þá daga. Nú skilst mér að hægt sé að fá gullpoka eða sigti til að sigta kaffið í gegnum, svo ýmislegt hefur breyst.

Þeir sem vilja nota pappírspoka þegar þeir hella upp á kaffið sitt, geta keypt sér IF YOU CARE kaffipokana sem eru úr 100% óbleiktum pappír. Enginn klór er notaður við framleiðslu þeirra og því fer hann hvorki í kaffið sem hellt er upp á, né út í umhverfið. IF YOU CARE fyrirtækið framleiðir nokkrar aðrar vörutegundir sem eru spennandi fyrir eldhúsið eins og óbleikt muffins- eða bollakökuform, bökunarpappír og álfilmu sem er úr 100% endurunnu efni. Það sem er merkilegt við bökunarpappírinn er að hann er húðaður með silicon, sem unnið er úr sandi, kvarskristal og steinum. Efnið verður ekki eitrað við bökunarhita og er því umhverfisvænasta húðun sem hægt er að fá á pappír sem þennan. Á móti ber þess að geta að margar tegundir bökunarpappírs eru húðaðar með quilon, sem inniheldur þungmálminn króm, sem getur skilið eftir sig eiturefni við bökunarhita. Bökunarpappírinn frá IF YOU CARE er líka eini bökunarpappírinn sem er FSC vottaður, en það þýðir að hann er unninn úr óbleiktum gæðapappír sem kemur úr vottuðum skógum.

Þegar ég var í Bandaríkjunum í apríl, fór ég eins og vanalega í uppáhaldsbúð mína Whole Foods Market. Þar rakst ég á fullar hillur af vörum frá IF YOU CARE, þótt varan sé framleidd í Finnlandi og Svíþjóð. Hér á landi hef ég hins vegar bara séð þessar vörur í Heilsuhúsinu.

Sjá nánar: www.ifyoucare.com