Fúsi, íslensk mynd eftir Dag Kára Pétursson, var forsýnd í gærkvöldi. Baltasar Kormákur mætti með mömmu sína og pabba og börnin. 

En hver er þessi Fúsi? Jú, hann er hlé­dræg­ur maður á fimm­tugs­aldri sem býr einn með móður sinni og hef­ur ekki haft hug­rekki til að flytja að heim­an. Líf hans er í föst­um skorðum og helstu áhuga­mál eru mód­el af bar­dög­um úr síðari heims­styrj­öld­inni, fjar­stýrðir leik­fanga­bíl­ar og þung­arokk. Hann kem­ur sér reglu­lega fyr­ir í bíl sín­um við höfn­ina og hring­ir í þátta­stjórn­anda í út­varp­inu, sem er orðinn hálf­gerður kunn­ingi og biður um óska­lög.  

Mamma Fúsa hef­ur ekki gef­ist upp á ást­inni og á nú í sam­bandi við mynd­ar­leg­an silf­ur­ref.  
Sam­an ákveða þau að Fúsi þurfi að fara meira út á meðal fólks og kærast­inn gef­ur Fúsa gjafa­bréf á dans­nám­skeið í línu­dansi í af­mæl­is­gjöf. Hann er treg­ur til en læt­ur til­leiðast og próf­ar að fara í tíma. Þar kynn­ist hann óvænt konu, sem kem­ur róti á reglu­bundið líf hans.

Gunn­ar Jóns­son leik­ur Fúsa og hef­ur fengið frá­bæra dóma fyr­ir frammistöðu sína en í öðrum lyk­il­hlut­verk­um eru Ilm­ur Kristjáns­dótt­ir, Sig­ur­jón Kjart­ans­son, Mar­grét Helga Jó­hanns­dótt­ir og Arn­ar Jóns­son. Franziska Una Dags­dótt­ir leik­ur líka stórt hlut­verk í mynd­inni, 8 ára vin­konu Fúsa.

Það eru Baltas­ar Kor­mák­ur og Agnes Johan­sen hjá RVK Studi­os sem fram­leiða mynd­ina í sam­starfi við Ni­mb­us Film í Dan­mörku og það er Sena sem dreif­ir henni á Íslandi.

HÉR er hægt að sjá fyrsta myndbrotið úr myndinni.