Það hafa sjaldan verið eins margir tvíburar undir sama þaki og þegar Já.is fagnaði útkomu nýrrar Símaskrár. Í leiðinni var gamla númerið 118 kvatt og hið nýja, 1818, tekið upp í staðinn. Í ár er símaskráin gefin út í samstarfi við Félag heyrnarlausra. Meginmarkmið samstarfsins er að kynna og vekja athygli Íslendinga á táknmáli.

Símaskráin inniheldur fræðsluefni um Félag heyrnarlausra en félagið heldur upp á 55 ára starfsafmæli í ár. Í Símaskránni er að finna fræðslukafla sem inniheldur upplýsingar um sögu félagsins og  algengustu tákn á táknmáli jafnframt má finna táknmálstákn víðsvegar í skránni. 

Símaskráin hefur komið út frá árinu 1905 og í ár er forsíða  hennar tileinkuð vissum kaflaskiptum hjá Já en hinn 1. maí síðastliðinn tók símanúmerið 1818 formlega við af 118 fyrir miðlun upplýsinga um þjónustu og símanúmer. Um er að ræða þrjár útgáfur af forsíðu sem prýða tvíbura á mismunandi aldri sem endurspeglar tvenndina í símanúmerinu 1818.