Strákarnir á rakarastofunni Barber, Villi, Grjóni, Halli og Benjamín, eru forfallnir rappaðdáendur. Það er ekki hægt að segja að þeir séu hefðbundin rakarastofa því þeir selja vínilplötur á stofunni og gera töluvert að því að skipuleggja viðburði.
Strákarnir á Barber efndu til forsýningar á myndinni Straight Outta Compton í Laugarásbíói í gær og buðum öllum helstu rapphundum bæjarins.
Öll umgjörðin hjá Barber strákunum var til fyrirmyndar en fyrir utan bíóið mátti sjá glæsilegan Cadillac og svo var boðið upp á fyrsta flokks rapptónlist hjá Dj Kocoon sem sá um tónlistina. Barber barinn sá svo um að bjóða upp á frískandi drykki.
Kvikmyndin Straight Outta Compton fjallar um rappsveitina goðsagnakenndu N.W.A. en hún náði gífurlegum vinsældum á níunda áratug síðustu aldar. Í sveitinni voru Ice Cube, Dr. Dre, Mc Ren, Eazy E, Arabian Prince og DJ Yella, sem allir voru úr Compton-hverfinu í suðurhluta Los Angeles-borgar. Myndin byggir á sögu grúppunnar og hvernig hún markaði djúpt spor í sögu rappsins, ekki síður í sögu dægurmálamenningar í Bandaríkjunum í ljósi þess að meðlimir sveitarinnar lentu í pólitískum deilum við lögregluyfirvöld.
Fyrsta stúdíóplata N.W.A. kom út árið 1988 og seldist í rúmlega tveimur milljónum eintaka. Textarnir ollu miklum deilum þar sem mörgum fannst þeir upphefja glæpahengi og ofbeldi auk þess að spilla fyrir ungafólkinu sem hlustaði á þá.
Straight Outta Compton hefur fengið frábæra dóma og er sögð vera vönduð, fróðleiksrík og spennandi túlkun á stórmerkilegu tímabili.