Halla Tómasdóttir forsetaframbjóðandi opnaði kosningaskrifstofu sína að Hæðarsmára 6 í Kópavogi á dögunum. Boðið var upp á kaffi, pönnukökur og annað góðgæti sem rann ljúflega niður í gestina. Söngkonan Greta Salóme skemmti gestunum með söng og gleði. Sjálf var Halla í essinu sínu á opnuninni. 

„Í mínum huga snúast forsetakosningarnar nú um val milli fortíðar og framtíðar. Ég vel framtíðina og hef trú á að þjóðin sé sammála mér um að við eigum að fara að líta til framtíðar og skapa það samfélag sem við viljum. Það eru spennandi vikur framundan fram að kosningum,“ segir Halla.