Það var glatt á hjalla á Nasa þegar síðustu tónleikarnir voru haldnir í bili. Yfirskriftin á tónleiknum var „Síðasta lag fyrir hlé“ sem er viðeigandi því salurinn verður nú endurbyggður í upprunalegri mynd. Að endurbótum loknum verður salurinn tilbúinn undir frekara tónleikahald og áfram skemmtilegasti tónleikasalur landsins.

Högni Egilsson og Sigríður Thorlacius voru meðal þeirra sem komu fram auk þess sem Stefán Hilmarsson tók lagið og Margrét Eir söng ásamt hljómsveit. Ari Eldjárn sá um að kitla hláturtaugar milli atriða. Það hefði ekki verið hægt að fá betri kynni því það eru fáir fyndnari en Ari.