Það var vel mætt í Hólavallakirkjugarð í gær þegar kvenréttindadeginum var fagnað. Konur fengu kosningarétt 19. júní 1915 eða réttara sagt konur sem voru 40 ára og eldri. 

Lagður var blómsveigur frá Reykvíkingum að leiði baráttukonunnar Bríetar Bjarnhéðinsdóttur á kvenréttindadaginn. Forseti borgarstjórnar, Sóley Tómasdóttir, flutti stutt ávarp og flutt voru tónlistaratriði. Vel var mætt á þennan viðburð. Þar á meðal var Lilja Alfreðsdóttir utanríkisráðherra.