Forsetahjónin Eliza Reid og Guðni Th. Jóhannesson voru í sínu fínasta pússi þegar Óþelló eftir William Shakespeare var frumsýnt í gærkvöldi í Þjóðleikhúsinu. Þetta mikla meistaraverk er sígilt og æsispennandi harmleikur um valdabaráttu, losta og afbrýðisemi. 

Gísli Örn Garðarsson leikstýrir verkinu en það var Hallgrímur Helgason sem þýddi verkið. Þetta er í fyrsta skipti sem leikhópurinn Vesturport tekst á við Shakespeare frá því þau settu upp verkið um Rómeó og Júlíu sem frumsýnd var 2002. Sú sýning vakti mikla athygli en hún var sýnd rúmlega 400 sinnum víðs vegar um heim, þar á meðal á West End í London.