Eitt heitasta parið í bænum, Halldór Halldórsson og Sigríður Hjálmarsdóttir, mættu alsæl á frumsýningu Sölku Völku í Borgarleikhúsinu. Parið byrjaði að hittast í haust og geislar af þeim hvert sem þau fara. Halldór er oddviti Sjálfstæðisflokksins í Reykjavík en Sigríður er menningarfulltrúi hjá Grundarfjarðarbæ. 

Sýningin Salka Valka með Hilmi Snæ Guðnason, Þuríði Blæ Jóhannsdóttur og Halldóru Geirharðsdóttur í aðalhlutverkum er í nýrri og ferskri uppfærslu sem leikstýrt er af Yana Ross. Farið er óhefðbundnar leiðir til að segja þessa klassísku sögu af kvenskörungnum Sölku Völku og áskorunum hennar í lífinu. Salka Valka er eftir Halldór Laxness.