Glatt var á hjalla á Hilton Nordica Reykjavík þegar Creditinfo veitti framúrskarandi fyrirtækjum viðurkenningar fyrir rekstrarárið 2015. 

Í ár fengu 624 fyrirtæki viðurkenningu, um 1,7% allra skráðra fyrirtækja á Íslandi. Þau fyrirtæki sem komast á lista framúrskarandi fyrirtækja eiga það sameiginlegt að vera með sterkar stoðir og stöðugleika í sínum rekstri. Þau eru jafnframt líkleg til að efla hag hluthafa og fjárfesta. Í ár er Icelandair Group hf.  efst á lista Creditinfo hf. yfir framúrskarandi fyrirtæki fyrir árið 2016. Þar á eftir koma Samherji hf., Icelandair ehf., og Marel hf. 

Fjármálaráðherra afhenti Þorbirni hf., Fálkanum hf. og Grillmarkaðnum hf. sérstakar viðurkenningar. Samstarfsaðilar Creditinfo hf. um Framúrskarandi fyrirtæki eru Samtök iðnaðarins, Samtök verslunar og þjónustu, Samorka, Samtök ferðaþjónustunnar, Samtök fjármálafyrirtækja og Samtök fyrirtækja í sjávarútvegi.