Það var glatt á hjalla í Iðnó þegar úthlutun úr Minningarsjóði frú Stefaníu Guðmundsdóttur fór fram. Alls hafa 48 listamenn, svokölluð Stefaníubörn, hlotið styrk úr sjóðnum frá árinu 1970.

Leik­húslista­menn­irn­ir Björn Thors og Árni Pét­ur Guðjóns­son hlutu Stef­an­íu­stjak­ann. Árni var ekki viðstadd­ur at­höfn­ina en dótt­ir hans tók við styrkn­um í hans stað. Þeir hlutu hvor styrk að upp­hæð 850.000 krón­ur ásamt sér­smíðuðum kerta­stjaka sem nefnd­ur er Stef­an­íu­stjak­inn.

Minningarsjóður frú Stefaníu Guðmundsdóttur var stofnaður árið 1938 af hjónunum Önnu Borg og Poul Reumert og hefur því verið starfræktur í 75 ár. Markmið sjóðsins er að efla íslenska leiklist og heiðra um leið minningu frú Stefaníu Guðmundsdóttur, einn af merkustu brautryðjendum leiklistar á Íslandi.