Kei Toyoshima hönnuður herralínu Louis Vuitton er staddur í Reykjavík en hann er líka listrænn stjórnandi hjá íslenska fatamerkinu 66°Norður. Hann lét sig ekki vanta þegar verk Daníels Freys Atlasonar hjá Segull Collective var afhjúpað á HönnunarMars í Hafnartorgi Galleri. Daníel Freyr hannaði verkið í samvinnu við 66°Norður.  

Verkið samanstendur af 11 flugdrekum gerðum úr afgangsefnum úr verksmiðjum 66°Norður. Titilinn vísar til háleitra markmiða fataframleiðandans um sjálfbæra hönnun, endurnýtingu og þeirra endalausu möguleika sem eru við að fullnýta allt hráefni og skapa eitthvað nýtt.

Daníel Freyr hefur komið víða við á ferli sínum en hann var einn af þeim sem hannaði Oddsson hótelið í JL húsinu úti á Granda.