Helga Þórisdóttir forsetaframbjóðandi opnaði kosningaskrifstofu á sunnudaginn. Vinir og fjölskylda fagnaði með Helgu í gær en eins og sést á myndunum var bekkurinn þéttsetinn. 

Helga var á þjóðlegum nótum og bauð upp á kleinur og flatkökur með hangikjöti í boðinu og svo var heitt á könnunni. Helga segist finna fyrir hlýju og stuðningi og segist hlakka til að halda áfram sinni kosningabaráttu. 

Helga stefnir á heimsóknir um land allt á næstunni og áformar að kynna landsmönnum reynslu sína og þekkingu og þá kosti sem hún hefur til að sinna starfi forseta Íslands. Hún brennur fyrir hagsmunum íslenskrar þjóðar og er fullviss um að einlægni hennar, fagmennska og heiðarleiki muni koma að góðum notum fyrir alla þjóðina. Helga var forstjóri Persónuverndar áður en hún fór í forsetaframboð en hún er lögfræðingur.