Veðurfræðingurinn ryksugaði himininn

Veðurfræðingurinn Einar Sveinbjörnsson dó ekki ráðalaus þegar kom að því að ryksuga himnasæng sem er yfir predikunarstólnum í Fríkirkjunni í Hafnarfirði en framkvæmdir hafa staðið yfir í kirkjunni. Gólfin voru slípuð sem gerði það að verkum að allt innan kirkjunnar varð dálítið skítugt.

Í gærkvöldi var unnið við þrif og lökkun og þá dó Einar, formaður bræðrafélagsins, ekki ráðalaus. Hann límdi ryksugubarkann við kústskaft og náði þannig að hreinsa mesta rykið.

Og það var eins og við manninn mælt: Sumarið kom daginn eftir að veðurfræðingurinn ryksugaði himininn!

• 1 blogg um fréttina

Bloggað um fréttina

• Sigurður Antonsson: Grindarskörð, Draugahlíðar og Gaudi