Margrét Erla Maack verður einn af umsjónarmönnum Íslands í dag á Stöð 2. Skipulagsbreytingar voru gerðar á sjónvarpsþættinum á dögunum þegar Sindri Sindrason ritstjóri þáttarins vék fyrir Andra Ólafssyni sem áður var aðstoðarritstjóri fréttastofu 365.
Á vef Vísi.is er greint frá því að á næstunni verði töluverðar breytingar á þættinum. Þar á meðal í ritstjórn, áherslum og efnistökum.
Margrét Erla er þekkt fyrir að vera sniðug. Hún hefur verið Sirkusstjóri Sirkus Ísland sem notið hefur mikilla vinsælda og svo kennir hún Beyoncé-dansa í Kramhúsinu. Áður starfaði hún í Kastljósinu og sem dómari í Gettu Betur á Rúv. Upp á síðkastið hefur hún skrifað beitta pistla inn á Kjarnann. Þess á milli hefur hún selt herraföt hjá Kormáki og Skildi.