Skúli Mogensen á hækjum

Skúli Mogensen forstjóri WOW air er á hækjum eftir að hafa lent í skíðaslysi í Frakklandi. Hann var staddur í skíðafríi ásamt fjölskyldu sinni um jól og áramót þegar slysið varð. Samkvæmt heimildum Smartlands slasaðist hann síðasta dag ferðarinnar og er nú með slitið krossband og liðband. 

Þetta eru ekki góðar fréttir fyrir ævintýramanninn Skúla sem elskar útivist og skíðaferðir. Slík meiðsl taka langan tíma að jafna sig og má búast við því að hann verði á hækjum næstu mánuði. Skúli lætur þetta þó ekki stoppa sig og mætti á Bessastaði í gær til að hitta Guðna Th. Jóhannesson forseta Íslands. 

Svo má ekki gleyma því að Skúli er í góðum höndum því faðir hans, Brynjólfur Mogensen, er bæklunarlæknir og ætti því að reynast betri en enginn. 

• Blogga um frétt