Brjóstahaldaralaus Beyoncé

Söngkonan Beyoncé kom fram á blaðamannafundi fyrir Pepsi Super Bowl XLVII í New Orleans í gærkvöldi. Klæðnaður söngkonunnar vakti athygli en hún klæddist ljós ferskjulituðum stuttum kjól sem var alveg opinn í bakið. Sniðið á kjólnum gerði það að verkum að hún gat ekki verið í neinum brjóstahaldara.

Af myndunum að dæma kom það ekki að sök þrátt fyrir að söngkonan hafi eignast frumburð sinn í fyrra. Þótt bakið á kjólnum hafi verið bert hefur glamúrinn oft verið meiri á söngkonunni því hún var nánast ekki með neina skartgripi. Hárið var krullað og sett til hliðar en annars var hún eins náttúruleg og hugsast getur.