Sýndu nýjustu tísku í messu

Fyrirsætur sýndu það allra heitasta frá Ilse Jacobsen í sérstakri kvennamessu sem haldin var í Vídalínskirkju í Garðabæ. Jóna Hrönn Bolladóttir, prestur í Vídalínskirkju, og systir hennar, Hildur Eir Bolladóttir, predikuðu ásamt Sigríði Huldu Jónsdóttur ráðgjafa.

Kvennakór Garðarbæjar söng undir stjórn Ingibjargar Guðjónsdóttur og að lokum var boðið upp á tískusýningu frá Ilse Jacobsen sem selur danska hönnun á Garðatorgi.