Melluböndin eru komin aftur

Ítalska tískuhúsið Emilio Pucci sýndi haust- og vetrarlínuna 2015 á tískuvikunni í Mílanó. Frægu Pucci-munstrin fá að njóta sín í þessari fallegu kjólalínu. Litapallettan er stórbrotin en það sem setur mestan svip á línuna eru líklega hin þekktu mellubönd sem voru vinsæl hérlendis um 1990. Nánast hver einasta fyrirsæta á tískusýningunni sýndi slík bönd og það sem kom á óvart var að þetta er alls ekki svo galin hugmynd. 

Þegar melluböndin eru komin í þessa breidd verða þau frekar lekker og vönduð og setja háklassasvip á heildarmyndina.