Jón Gnarr hannar bol með syni sínum

Jón Gnarr, fyrrverandi borgarstjóri, hannaði stuttermaboli með Frosta Gnarr, syni sínum, þar sem drengurinn með tárið, eftir Bruno Amadio, er í forgrunni. Á drenginn er svo smellt yfirvararskeggi Dalís.

Bolina hönnuðu þeir til styrktar Krabbameinsfélags Íslands í tilefni MottuMars. Frosti er hönnuður og starfar hjá Íslensku auglýsingastofunni. „Sorg og þjáning getur dregið okkur niður. Ótti er lamandi. En húmor er frelsi,“ skrifar Jón Gnarr á Facebook-síðu sína. 

„E Y L A N D stúlkur stoltar í bolum sem er samstarfverkefni EYLAND og Jóns Gnarr. Allur ágóði sölu bolanna rennur til Krabbameinsfélags Íslands.

Bolurinn mun kosta 8.900kr. og vera fáanlegur á netinu og í völdum verslunum. Við skorum á alla sem hafa tök á að næla sér í þennan fallega bol og styrkja gott málefni
Segjum meira frá þessu spennandi verkefni síðar,“ segir á Facebook-síðu Eyland.

• Blogga um frétt