Eliza Reid forsetafrú var stödd í Frakklandi í byrjun vikunnar. Hitti hún þar Birgitte Macron, forsetafrú Frakklands. Þær Eliza og frú Macron eiga meira sameiginlegt en titilinn þar sem þær eru líka með sama fatastílinn. 

Macron sem er þekkt fyrir að vera ein best klædda kona Frakklands tók á móti Elizu í ljósbrúnni buxnadragt. Dragtin var að sjálfsögðu frá franska merkinu Louis Vuitton en merkið er í miklu uppáhaldi hjá Macron. Eliza klæddist líka buxnadragt. Hún var hins vegar litaglaðari en sú franska og var í blárri dragt og grænum bol undir. 

Góður vinskapur við maka þjóðarleiðtoga

Eliza sagði frá heimsókninni á samfélagsmiðlum sínum. 

„Það var indælt að hitta aftur Brigitte Macron forsetafrú Frakklands í París í gær. Við höfðum um nóg að spjalla, spurðum fregna frá Íslandi og Frakklandi, ræddum um mikilvægi þess að hlúa að geðheilsu fólks eftir heimsfaraldurinn, um leiðandi hlutverk Íslands í jafnréttismálum og auðvitað um Ólympíuleikana sem eru framundan í París í sumar.

Nú þegar tíma mínum í hlutverki forsetafrúar fer senn að ljúka þá finn ég til þakklætis gagnvart öllum þeim vinskap sem hefur orðið á síðustu árum við maka annarra þjóðarleiðtoga. Þetta eru tengingar sem ég er nokkuð viss um að muni lifa áfram þótt formlegum hlutverkum ljúki,“ skrifaði Eliza. 

Tengdar fréttir

Fatastíllinn

Jón Gnarr gefur nærbuxur sem keyptar voru of stórar

• Forsetaframbjóðendur sýndu sín réttu andlit
• 10 hlutir sem eru ómissandi á ströndina
• Berglind Festival tekur ekki þátt í nýjasta tískutrendinu
• „Þetta er einhver sköpunargleði að brjótast fram í mér“

» Fleiri tengdar fréttir

Steldu stílnum

Halla Tómasdóttir geislaði í 34.980 kr. forsetajakka

• Hera Björk og Kidman með sama stílinn
• Milla Ósk og Pattra klæddust eins kjólum
• Eliza Reid keypti notaðan jakka í opinberri heimsókn
• Bjarkey á tvær eins skyrtur í sitthvorum litnum

» Fleiri tengdar fréttir

• Blogga um frétt