Halla Tómasdóttir forsetaframbjóðandi klæddist ljósbleikum jakka á föstudagskvöldið þegar hún tók þátt í kappræðum í sjónvarpssal á RÚV. Jakkinn þykir töluvert forsetalegur og er í anda hins klassíska Chanel-jakka sem notið hefur vinsælda síðan sá jakki var saumaður í fyrsta skipti. 

Allir sem vilja láta taka sig alvarlega eiga einn slíkan jakka í fataskápnum sínum.  

Jakkinn sem Halla klæddist fæst Hjá Hrafnhildi og er frá merkinu Rofa og er hluti af White Label-línu merkisins. Jakkinn er aðsniðinn úr 62% pólýester og 38% bómull. Með sniðsaumum að framan og aftan og er bakhlutinn í tveimur stykkjum. Hann er einhnepptur með fjórum tölum að framan. Auk þess eru fjórir vasar framan á jakkanum, tveir brjóstvasar og tveir mittisvasar. Örlítið klauf er á ermunum sem gerir jakkann svolítið sumarlegan. 

Fyrirtækið Rofa er þýskt fatamerki sem stofnað var 1957 og framleiddi það barnaföt og útiföt. Árið 1972 breyttust áherslur í fyrirtækinu og árið 2006 varð það að alþjóðlegu tískumerki. Eins og sjá má á jakka Höllu þá hefur það tekist nokkuð vel. 

Jakkinn er frá Rofa og er úr blöndu af pólýester og bómull.

Tengdar fréttir

Fatastíllinn

Elín klæddist Chanel í Cannes

• Eliza Reid og Birgitte Macron í stíl í París
• 10 hlutir sem þú munt elska á útskriftardaginn
• Nýr Snæfell búinn til úr plöntum - ekki olíu
• „Ég er sjúk í fallega stóla“

» Fleiri tengdar fréttir

Steldu stílnum

Eliza Reid og Birgitte Macron í stíl í París

• Hera Björk og Kidman með sama stílinn
• Milla Ósk og Pattra klæddust eins kjólum
• Eliza Reid keypti notaðan jakka í opinberri heimsókn
• Bjarkey á tvær eins skyrtur í sitthvorum litnum

» Fleiri tengdar fréttir

• Blogga um frétt