Kjartan og Haukur úr leik hjá KR

KR hefur misst tvo sterka leikmenn fyrir lokasprettinn í Pepsi-deild karla í knattspyrnu. Kjartan Henry Finnbogason og Haukur Heiðar Hauksson gengust báðir undir aðgerð á hné í gær og verða frá keppni næstu mánuðina.

Frá þessu er greint á vef fótbolta.net. Þar segir að báðir leikmenn hafi glímt við brjóskskemmdir í hnénu.

KR á sáralitla von um að verja Íslandsmeistaratitil sinn en liðið er tíu stigum á eftir FH þegar fjórar umferðir eru eftir. Liðið er tveimur stigum á undan Stjörnunni sem er í 3. sæti.

• 1 blogg um fréttina

Bloggað um fréttina

• Gísli Foster Hjartarson: Skiptir engu máli