Fimm stiga forysta KR eftir sigur í Eyjum
Setja bókamerki
KR-ingar eru með fimmt stiga forskot eftir sigur á ÍBV, 2:0, í fyrsta leiknum í 4. umferð úrvalsdeildar karla í knattspyrnu, Pepsi-deildarinnar, á Hásteinsvelli í Vestmannaeyjum í dag.
KR-ingar náðu í þrjú góð stig í dag á Hásteinsvelli og eru á toppi deildarinnar, með fullt hús stiga eftir fjórar umferðir. KR skoraði tvö mörk í fyrri hálfleik sem dugði þeim til sigurs gegn ÍBV, sem fyrir leikinn, hafði ekki tapað leik.
Baldur Sigurðsson kom KR-ingum yfir á 24. mínútu og Jónas Guðni Sævarsson bætti öðru markinu við á 41. mínútu. Forysta KR-inga var verðskulduð enda voru þeir mun baráttuglaðari en Eyjamenn í fyrri hálfleik.
Eyjamenn brutu leikinn upp í síðari hálfleik og náðu að ógna marki KR-inga meira en í fyrri hálfleik. En sóknarþungi þeirra var á kostnað varnarleiksins þannig að síðari hálfleikur var mun opnari.
Hermann Hreiðarsson kom inn í lið ÍBV í síðari hálfleik, fór beint í framlínuna og barðist eins og ljón en árangurinn kannski ekki mikill. Bæði lið fengu úrvalsfæri til að bæta við mörkum en fleiri urðu mörkin ekki og því lokatölur 0:2.
Í heildina má segja að sigur KR-inga sé sanngjarn. Þeir voru skipulagðari í sínum leik, voru mun betri í fyrri hálfleik og stóðust sóknartilburði Eyjamanna í þeim síðari. Eyjamenn hljóta hins vegar að skoða þennan leik vel í kvöld, enda náðu þeir sér engan veginn á strik eins og í fyrstu þremur leikjunum.
Nánari umfjöllun um leikinn verður í Morgunblaðinu í fyrramálið en viðtöl birtast hér á mbl.is síðar í kvöld.
Lið ÍBV: David James, Brynjar Gauti Guðjónsson, Matt Garner, Gunnar Már Guðmundsson, Gunnar Þorsteinsson, Víðir Þorvarðarson, Tonny Mawejje, Ragnar Pétursson, Arnór Eyvar Ólafsson, Eiður Aron Sigurbjörnsson, Ian Jeffs.
Varamenn: Hermann Hreiðarsson, Aaron Robert Spear, Ragnar Leósson, JónIngason, Gauti Þorvarðarson, Guðjón Orri Sigurjónsson, Bradley Simmons.
Lið KR: Hannes Þór Halldórsson, Grétar Sigfinnur Sigurðarson, Bjarni Guðjónsson, Gary Martin, Baldur Sigurðsson, Óskar Örn Hauksson, Brynjar Björn Gunnarsson, Jónas Guðni Sævarsson, Aron Bjarki Jósepsson, Guðmundur Reynir Gunnarsson, Atli Sigurjónsson.
Varamenn: Rúnar Alex Rúnarsson, Þorsteinn Már Ragnarsson, Emil Atlason, Torfi Karl Ólafsson, Björn Jónsson, Hrannar Einarsson, Davíð Einarsson.
| ÍBV | 0:2 | KR |
|
|---|---|---|---|
| Bradley Simmonds (ÍBV) á skot sem er varið +2 Skot utan vítateigs, beint á Hannes Þór í markinu. Fjórum mínútum verður bætt við. | |||
Eldvörpin byrjuð að gefa eftir
Halla: Líkti Ólafi Ragnari ekki við Robert Mugabe
„Okkur mun ekki bregða“
„Þær áttu bara að læra sína lexíu“
Óljóst hvort þyrlan sé fundin
Forsetinn og utanríkisráðherrann látnir
Gegnum lykilhlutverki fyrir NATO