Gott að mæta Ungverjum í júní
Benedikt Grétarsson
Setja bókamerki
Tengdar fréttir
EM 2016 í fótbolta
Sé eitthvað mið tekið af sögunni er það hreint ekki slæmt fyrir Ísland að mæta Ungverjalandi í júni, þar sem allir sigrar landsliðsins gegn Ungverjum hafa komið í þeim mánuði.
Þegar flautað verður til leiks í stórleik Íslands og Ungverjalands á Evrópumótinu í knattspyrnu á morgun, verður það í ellefta skipti sem þjóðirnar mætast á knattspyrnuvellinum í karlaflokki.
Ísland og Ungverjaland léku í fyrsta sinn árið 1988 og þá unnu Ungverjar örugglega, 3:0.
Íslendingum hefur reyndar ekki gengið nógu vel í þessum tíu leikjum, þar sem Ungverjar hafa unnið sjö leiki en þrisvar sinnum hefur Ísland náð að vinna.
Það gerðist í þremur leikjum í röð á árunum 1992–1995 og sú skemmtilega staðreynd blasir við, að allir leikirnir fóru fram í júnímánuði. Það ætti því að gefa góð fyrirheit fyrir leikinn á morgun.
Sigurleikir Íslands gegn Ungverjalandi:
3. júní 1992. 1:2 í Ungverjalandi. Þorvaldur Örlygsson (51), Hörður Magnússon (73)
16. júní 1993. 2:0 á Laugardalsvelli. Eyjólfur Sverrisson (13), Arnór Guðjohnsen (77)
11. júní 1995. 2:1 á Laugardalsvelli. Guðni Bergsson (61), Sigurður Jónsson (68)
Reyndar hefur einn leikur tapast í júní en það gerðist 4. júní 2005 á Laugardalsvelli, þegar Ungverjar unnu 2:3. Eiður Smári Guðjohnsen og Kristján Örn Sigurðsson skoruðu mörkin í þeim leik.
Gott að EM er ekki haldið á haustmánuðum
Ungverjar hafa unnið Ísland 7 sinnum í 10 leikjum og virðast vera betur í stakk búnir að leika seint á haustin en íslensku strákarnir.
4. maí 1988. 3:0
21. sept. 1988 0:3
11. sept 1995 1:0
7. sept 2002 0:2
8. sept 2004 3:2 Eiður Smári (39), Indriði Sigurðsson (78)
4. júní 2005 2:3 Eiður Smári (18), Kristján Örn Sigurðsson (69)
10. ágúst 2011 4:0
Tengdar fréttir
EM 2016 í fótbolta
