Tvö prósent eru nóg fyrir okkur
Sindri Sverrisson
Setja bókamerki
Tengdar fréttir
Ísland á EM í Hollandi 2017
„Maður er bara með þetta íslenska hugarfar og alltaf tilbúinn í fyrsta leik,“ segir Gunnhildur Yrsa Jónsdóttir sem er mætt á sitt fyrsta stórmót, Evrópumótið í knattspyrnu í Hollandi.
Gunnhildur sleit krossband í hné og missti af EM í Svíþjóð fyrir fjórum árum. Hún hefur hins vegar fengið sífellt stærra hlutverk í landsliðinu síðustu misseri og kom við sögu í öllum leikjum undankeppninnar.
Útlit er fyrir að Gunnhildur verði í byrjunarliði Íslands gegn Frökkum annað kvöld.
„Frakkar eru með mjög góða einstaklinga og við höfum farið mjög vel yfir þær. Þjálfarastaffið er búið að gera mjög góða hluti í að undirbúa okkur. En þó að þær séu með betri einstaklinga en við þá höfum við alltaf liðsheildina, sem getur oft unnið,“ sagði Gunnhildur við mbl.is á hóteli íslenska landsliðsins í Ermelo í gær.
Fyrirtækið Gracenote, sem sérhæfir sig í gagnaúrvinnslu tengdri íþróttum, birti í gær niðurstöðu sína um hvaða lið væru líklegust til að landa Evrópumeistaratitlinum. Líkurnar á að Ísland vinni mótið voru þar sagðar tvö prósent, en aðspurð hvað Gunnhildur telji Ísland geta komist langt segist hún ekki vilja horfa of langt fram í tímann.
„Tvö prósent eru nóg fyrir okkur. Því minna því betra fyrir okkur. Það er þá engin pressa á okkur, pressan er á þeim. Við ætlum í þennan leik við Frakka eins og alla aðra, með íslenska hugarfarið, varnarleik og skipulag, og þá er allt hægt,“ sagði Gunnhildur.
#WEURO2017 kick-off today with #Germany favourites to win ahead of #France, #England and hosts Holland. pic.twitter.com/ix2lEQ4RyA
— Gracenote Live (@GracenoteLive) July 16, 2017
Tengdar fréttir
Ísland á EM í Hollandi 2017
