Christian Berge, landsliðsþjálfari Noregs í handknattleik karla, fær veglega launauppbót ef norska landsliðið vinnur króatíska landsliðið í leiknum um bronsið á EM í handknattleik á eftir. Tapi Norðmenn leiknum gengur uppbótin Berge úr greipum.
Norskir fjölmiðlar greina frá því að Berge fá 75.000 norskar krónur, jafnvirði rétt rúmlega 1,1 milljón íslenskra króna, aukagreiðslu ofan á laun sín ef norska landsliðið vinnur leikinn um bronsið á EM í Póllandi. Flautað verður til leiks klukkan 14.
Hver leikmaður norska landsliðsins mun fá svipaða upphæð hver í sinn hlut fyrir bronsverðlaun auk þess sem aðstoðarmenn Berge fá einnig uppbót á laun sín.