Tottenham skellti meisturunum - Góður útisigur hjá United
Setja bókamerki
Tottenham og Manchester United fögnuðu bæði góðum sigrum í Meistaradeildinni í knattspyrnu í kvöld. Tottenham gerði sér lítið fyrir og skellti Evrópumeisturum Inter, 3:1, á White Hart Lane og United gerði góða ferð til Tyrklands og lagði Bursaspor, 3:0.
Gareth Bale fór aftur á kostum gegn Inter og hann átti þátt í tveimur mörkum Tottenham gegn Evrópumeisturunum. Rafael Van der Vaart, Peter Crouch og Roman Pavlyuchenko gerðu mörk Tottenham sem lék gríðarlega vel í kvöld en Samuel Eto'o gerði eina mark Inter.
Manchester United gerði út um leikinn gegn Bursaspor í Tyklandi í seinni hálfleik. Darren Fletcher skoraði fyrsta markið á 47. mínútu og þeir Bebé, sem kom inná sem varamaður og Gabriel Obertan bættu tveimur mörkum við. United stendur vel að vígi og komið eð 10 stig og hefur enn ekki fengið mark á sig í keppninni.
14 til 17 milljarða kr. tap vegna skerðinga
Telur að Rússar herði sókn sína í norðaustri
Veita fyrirtækjum brú yfir óvissutímabil
Kostnaðurinn nemur allt að þremur milljörðum
Myndskeið: Hátt í 140 lömb á tveimur sólarhringum
Mennirnir í haldi lögreglunnar á Suðurnesjum
„Bíð bara eftir að það fari að gjósa aftur“