Tyllir Arsenal sér á toppinn?
Setja bókamerki
Arsenal getur tyllt sér í toppsæti ensku úrvalsdeildarinnar, í minnsta kosti um stundarsakir, ef liðinu tekst að leggja granna sína úr Tottenham á Emirates Stadium í dag en flautað verður til leiks í N-Lundúnaslagnum klukkan 12.45. Arsenal er tveimur stigum á eftir Chelsea sem sækir Birmingham heim klukkan 15.
Eins og jafnan er mikill spenningur í London fyrir viðureign Arsenal og Tottenham. Laurent Koscielny varnarmaður Arsenal hefur lokið við að afplána leikbann og þá hefur miðjumaðurinn ungi, Jack Wilshere, jafnað sig af meiðslum.
Jermain Defoe gæti komið við sögu hjá Tottenham í fyrsta sinn síðan í september og Aaron Lennon verður hugsanlega með en hann hefur átt í meiðslum.
Arsenal hefur haft gott tak á Tottenham. Tottenham vann að vísu síðasta deildarleik liðanna á White Hart Lane í apríl og var það fyrsta tap Arsenal í grannslagnum í 21 leik. Tottenham hefur aðeins einu sinni fagnað sigri í úrvalsdeildinni á heimavelli Arsenal en það var fyrir sjö árum.
Leikir dagsins eru:
12.45 Arsenal - Tottenham
15.00 Birmingham - Chelsea
15.00 Man Utd - Wigan
15.00 Blackpool - Wolves
15.00 Bolton - Newcastle
15.00 WBA - Stoke
17.30 Liverpool - West Ham
Aukin spenna og kjarnavopnavá
Her Taívans bregst við heræfingum Kínverja
„Mitt hlutverk að sjá til þess að svo geti verið“
Fagna niðurstöðu EFTA: Boltinn nú hjá héraðsdómi
Umdeild túlkun kemur í veg fyrir val á Alberti
Ráðist á 11 ára barn: Fjórða atvikið á skömmum tíma
Týndu kjörseðlarnir fundust í Madríd