7,8 milljarða starfslokasamningur
Setja bókamerki
Jose Mourinho, fyrrum knattspyrnustjóri Chelsea á Englandi, fær 7,8 milljarða íslenskra króna í starfslokasamning hjá félaginu en enskir fjölmiðlar greina frá þessu.
Portúgalski þjálfarinn var látinn taka poka sinn í dag eftir slakan árangur með liðinu á tímabilinu en liðið tapaði níu af sextán deildarleikjum undir hans stjórn.
Chelsea varð Englandsmeistari á síðustu leiktíð og því ljóst að pressan var mikil fyrir þessa leiktíð en leikmenn liðsins stóðust engan vegin þær væntingar sem gerðar voru til þeirra.
Tap liðsins gegn Leicester City á mánudag fyllti mælinn hjá Roman Abramovich, eiganda liðsins, og fékk Mourinho því að fjúka en talið er að Chelsea borgi honum 40 milljónir punda eða 7,8 milljarða íslenskra króna í starfslokasamning.
Mourinho gerði fjögurra ára samning við Chelsea í ágúst á þessu ári en félagið þarf að borga upp allan samninginn. Sumir miðlar halda því fram að hann fái einungis greitt út þessa leiktíð en flestir eru þó á því máli að hann fá 7,8 milljarða.
Ráðist á ferðamenn: „Það var blóð alls staðar“
Vantar fólk: „Þetta er gaman en það er ekki nóg“
Mennirnir í haldi lögreglunnar á Suðurnesjum
Þyrla forsetans lenti í „slysi“
„Okkur mun ekki bregða“
„Ég hélt ég myndi deyja, með dóttur mína í bílnum“