Breti tekur upp nafn Alonso

Breti sem fæddist sem David Fuller ber héðan í frá nafnið Fernando Alonso. Fékk hann bresku þjóðskrána til að nefna sig í höfuð heimsmeistara formúlunnar og skrá þá breytingu gegn 200 sterlingspunda gjaldi.

Að sögn blaðsins The Mirror gekk hinn 21 árs gamli Breti lengra því nýja nafnið er mun lengra. Fyrstu tvö orðin í nafninu eru til heiðurs formúluþórnum en fullt nafn er nú Fernando Alonso Rodney Trotter Ronaldinho.

Hefur hann með þessu uppátæki einnig nefnt sig eftir breska sjónvarpsmanninum Rodney Trotter, sem aflaði sér vinsælda á níunda áratugnum og brasilíska fótboltamanninum Ronaldinho.

• 1 blogg um fréttina

Bloggað um fréttina

• Snorri Bergz: Heimsmeistaraeftirherma