Hamilton fremstur á fyrstu æfingu
Setja bókamerki
Lewis Hamilton á Mercedes (1.11,895) var rétt tæplega 0,1 sekúndu fljótari með hringinn í Interlagosbrautinni í Sao Paulo en næsti maður, Max Verstappen (1.11,991) hjá Red Bull.
Þriðji fljótastur varð Nico Rosberg (1.12,125) liðsfélagi Hamiltons og var svipaður munur á þeim Verstappen.
Fjórða besta tímann átti Daniel Ricciardo hjá Red Bull sem var 0,2 lengur í förum en Rosberg. Tæp sekúnda var síðan í fimmta mann, Valtteri Bottas hjá Williams. Ólíkt öðrum brúkuðu ökumenn Ferrari ekki mýkstu dekkin á æfingunni og kann það að skýra hvers vegna Sebastien Vettel og Kimi Räikkönen voru aðeins í níunda og tíunda sæti á lista yfir hröðustu hringi.
Í sætum sex til átta urðu Force Indialiðarnir Sergio Perez og Nico Hülkenberg svo og heimamaðurinn Felipe Massa hjá Williams.
Áfram í haldi grunaður um manndráp
Bjarni: Of snemmt að ræða lagasetningu
„Greinlega allt á réttri leið“
Kippur í skilum fólks á fálkaorðum
Búast við niðurstöðu í dag vegna varnargarðs
„Höfum verk að vinna en ég er bjartsýnn“
Isavia hlaut ekki meðbyr í Hæstarétti