Barcelona spænskur bikarmeistari
Setja bókamerki
Barcelona, lið Eiðs Smára Guðjohnsen, varð í kvöld spænskur bikarmeistari í knattspyrnu þegar það vann Athletic Bilbao, 4:1, í úrslitaleik í Madrid. Þetta er í 25. skipti sem Barcelona verður bikarmeistari en síðast gerðist það árið 1998. Eiður Smári var á varamannabekknum en var ekki skipt inn á.
Það blés ekki byrlega fyrir Börsunga á fyrstu mínútunum, því Athletic Bilbao komst yfir strax á 9. mínútu með marki Gaizka Toquero Pinedo úr skalla.
Það var svo Yaya Toure sem jafnaði metin á 30. mínútu með þrumuskoti fyrir utan vítateig, sem endaði neðst í markhorni Bilbæinga.
Á 54. mínútu kom Lionel Messi Börsungum yfir, og Bojan Krkic bætti um betur á þeirri 57. Það var síðan fyrirliðinn Xavi sem rak smiðshöggið með marki leiksins, beint úr aukaspyrnu á 63. mínútu og þar við sat.
Börsungum vantar aðeins eitt stig til að fagna Spánarmeistaratitlinum, og þá mæta þeir Manchester United í úrslitaleik Meistaradeildarinnar þann 27. maí.
Væri að ljúga ef ég segðist ekki stressaður
Norskur lögreglumaður dæmdur
Frambjóðendur skila inn listum í Hörpu
Færri nota rafhlaupahjól eftir djammið
Forsetinn líti yfir axlirnar á þingheimi
„Höfum ekki náð að skríða upp úr þeirri gryfju“
Breytingar á skipulagi fréttadeildar RÚV
Skaut sex sinnum að feðginum á aðfangadagskvöld