Skoraði af 50 metra færi í jakkafötunum

Dragan Stojkovic fyrrum landsliðsmaður Júgóslavíu og síðar Serbíu í fótbolta vakti athygli í japönsku deildarkeppninni um helgina. Stojkovic er þjálfari japanska liðsins Nagoya Grampus Eight og sýndi hann fína takta á hliðarlínunni gegn Yokohama F-Marinos.

Myndband

Leikurinn var stöðvaður vegna meiðsla leikmanns. Boltanum var sparkaði í átt að varamannaskýli Nagoya Grampus Eight. Þar tók Stojkovic boltann viðstöðulaust á lofti og skoraði laglegt mark af um 50 metra færi. Dómari leiksins hafði ekki gaman af þessum tilþrifum og fékk  Stojkovic rautt spjald í kjölfarið.

„Það var ekki ætlunin að særa einhvern en þetta var laglegt mark samt sem áður,“  sagði Stojkovic eftir leikinn.

Myndband af tilþrifunum má sjá hér.

• 1 blogg um fréttina

Bloggað um fréttina

• Friðrik Friðriksson: Rautt spjald!