Eyþór með fjögur fyrir ÍBV

Eyþór Helgi Birgisson skoraði fjögur mörk fyrir ÍBV þegar liðið vann stórsigur á ÍR, 6:0, í deildabikarnum í knattspyrnu í dag en leikurinn fór fram í Egilshöllinni.

Eyþór, sem er í láni hjá ÍBV frá HK, skoraði eina mark fyrri hálfleiks og gerði síðan þrennu á rúmum 15 mínútum í seinni hálfleiknum. Tryggvi Guðmundsson og Ásgeir Aron Ásgeirsson skoruðu hin tvö mörk Eyjamanna í leiknum.

Leikskýrslan.

Liðin eru í 3. riðli A-deildar ásamt KR, Keflavík, Breiðabliki, Þrótti R., HK og Gróttu en þetta var fyrsti leikurinn í riðlinum.

• 1 blogg um fréttina

Bloggað um fréttina

• Gísli Foster Hjartarson: Gott að sigra