Íþróttir | Fótbolti | mbl | 22.5.2010 | 20:40 | Uppfært 20:57

Inter Evrópumeistari eftir 2:0 sigur á Bayern

Diego Milito og Esteban Cambiasso fagna eftir sigur Inter í kvöld. Reuters

Ítalska liðið Inter hrósaði í kvöld sigri í Meistaradeild Evrópu í knattspyrnu í þriðja sinn þegar liðið bar sigurorð af Bayern München, 2:0, í úrslitaleik sem fram fór á Santiago Bernabéu leikvanginum í Madríd. Argentínumaðurinn Gabriel Milito var hetja Mílanóliðsins en hann skoraði bæði mörk sinna, sitt í hvorum hálfleik.

Þetta er þriðji sigur Inter í Evrópukeppni meistaraliða og þjálfari liðsins, José Mourinho, bætti enn einn skrautfjöðrinni í hatt sinn. Portúgalinn magnaði gerði Porto að Evrópumeisturum árið 2004 og Inter vann í ár þrefalt undir hans stjórn.

Eins og í mörgum öðrum leikjum Inter í keppninni var það vel skipulagður varnarleikur og markviss sóknarleikur sem lagði grunninn að sigri liðsins í kvöld en Inter sló út fyrrum Evrópumeistara Barcelona í undanúrslitum. Inter-liðið var ekki sannfærandi í riðlakeppninni en þegar að útsláttarkeppninni hrökk liðið svo sannarlega í gang.

Lið Bayern: Butt, Lahm, Van Buyten, Demichelis, Badstuber, Robben, Van Bommel, Schweinsteiger, Altintop, Muller, Olic.
Varamenn: Rensing, Gorlitz, Klose, Pranjic, Contento, Gomez, Tymoschuk.

Lið Inter: Julio Cesar, Maicon, Lucio, Samuel, Chivu, Zanetti, Cambiasso, Eto'o, Sneijder, Pandev, Milito.
Varamenn: Toldo, Cordoba, Stankovic, Muntari, Mariga, Materazzi, Balotelli.

Dómari: Howard Webb (Englandi)