Norðmenn lögðu Íslendinga að velli, 2:1, í undankeppni Evrópumóts karlalandsliða í fótbolta í kvöld á Laugardalsvelli, eftir að íslenska liðið var yfir í hálfleik, 1:0.
Heiðar Helguson kom Íslandi yfir á 38. mínútu eftir góðan undirbúning Gylfa Þórs Sigurðssonar. Brede Hangeland jafnaði fyrir Norðmenn á 59. mínútu og Mohammed Abdellaoue skoraði sigurmark þeirra á 75. mínútu.
Íslenska liðið heldur á morgun til Danmerkur og mætir þar heimamönnum á Parken á þriðjudagskvöldið.
Lið Íslands: Gunnleifur Gunnleifsson - Grétar Rafn Steinsson, Kristján Örn Sigurðsson, Sölvi Geir Ottesen, Indriði Sigurðsson - Gylfi Þór Sigurðsson, Aron Einar Gunnarsson, Veigar Páll Gunnarsson, Eggert Gunnþór Jónsson, Jóhann Berg Guðmundsson - Heiðar Helguson.
Varamenn: Ingvar Þór Kale, Ragnar Sigurðsson, Ólafur Ingi Skúlason, Arnór S. Aðalsteinsson, Birkir Bjarnason, Kolbeinn Sigþórsson, Rúrik Gíslason.
Lið Noregs: Jon Knudsen - Tom Högli, Kjetil Wæhler, Brede Hangeland, John Arne Riise - Erik Huseklepp, Björn Helge Riise, Christian Grindheim, Henning Hauger, Morten Gamst Pedersen - Mohammed Abdellaoue.
Varamenn: Rune Jarstein, Vadim Demidov, Espen Ruud, Steffen Iversen, Jan Gunnar Solli, Ruben Jensen, Daniel Braaten.