Birkir skoraði gegn Midtjylland

Birkir Bjarnason, leikmaður 21-árs landsliðsins í knattspyrnu, skoraði mark Viking Stavanger í dag þegar liðið gerði jafntefli, 1:1, við danska úrvalsdeildarliðið Midtjylland í æfingamóti á La Manga á Spáni.

Birkir kom Viking yfir strax á 8. mínútu en danska liðið jafnaði, 1:1, á 73. mínútu.

Í lokin var vítaspyrnukeppni og þar skoruðu bæði Birkir og Indriði Sigurðsson fyrir Viking sem vann 5:4.

• 1 blogg um fréttina

Bloggað um fréttina

• Torfi Kristján Stefánsson: Birkir með mjög góðan leik