Íþróttir | Fótbolti | mbl | 17.10.2014 | 9:19 | Uppfært 10:06

Indriði með 40 milljónir í laun á ári

Mynd 1 af 12 Indriði Sigurðsson fyrirliði Viking þénar mest Íslendinganna í norska fótboltanum. Ljósmynd/viking-fk.no

Mynd 2 af 12 Birkir Már Sævarsson var með tvær milljónir á mánuði í fyrra. mbl.is/Golli

Mynd 3 af 12 Steinþór Freyr Þorsteinsson þénaði vel þegar hann var á mála hjá Sandnes en er nú leikmaður Viking. Ljósmynd/Viking-fk.no

Mynd 4 af 12 Samningur Pálma Rafns við Lilleström er að renna út en hann var með tæpar 20 milljónir króna í árslaun í fyrra. Ljósmynd/lsk.no

Mynd 5 af 12 Kristján Örn Sigurðsson gegnir mikilvægu hlutverki í vörn Hönefoss. Ljósmynd/honefossbk.no

Mynd 6 af 12 Matthías Vilhjálmsson var algjör lykilmaður hjá Start í fyrra. Ljósmynd/ikstart.no

Mynd 7 af 12 Jón Daði Böðvarsson ætti að geta fengið enn betri samning eftir frammistöðu sína með íslenska landsliðinu. mbl.is/Ómar

Mynd 8 af 12 Guðmundur Kristjánsson á ferðinni í leik með Start. Ljósmynd/ikstart.no

Mynd 9 af 12 Arnór Sveinn Aðalsteinsson er kominn aftur heim til Breiðabliks. Breiðablik

Mynd 10 af 12 Andrés Már Jóhannesson kom aftur heim til Fylkis. mbl.is/Árni Sæberg

Mynd 11 af 12 Guðmundur Þórarinsson lék sitt fyrsta tímabil í atvinnumennsku í fyrra og sló í gegn hjá Sarpsborg. mbl.is/Ómar

Mynd 12 af 12 Þórarinn Ingi hélt uppi stuðinu hjá Sarpsborg en er kominn aftur til ÍBV. Ljósmynd/Skjáskot

Indriði Sigurðsson, fyrirliði Viking, var með langmestar tekjur íslenskra knattspyrnumanna í Noregi á síðasta ári samkvæmt nýútkomnu yfirliti yfir tekjur íbúa Noregs. Indriði þénaði jafnvirði rúmlega 40 milljóna íslenskra króna fyrir skatt, sem jafngildir mánaðartekjum upp á 3,3 milljónir króna.

Landsliðsmaðurinn Birkir Már Sævarsson, leikmaður Brann, kom næstur Indriða með árstekjur upp á rúmar 24 milljónir króna, og Steinþór Freyr Þorsteinsson leikmaður Sandnes Ulf þénaði rúmlega 20 milljónir króna en hluta þeirra tekna fékk hann fyrir störf sem verkfræðingur.

Hér að neðan má sjá lista yfir íslenska leikmenn sem spiluðu í Noregi á síðasta ári og árstekjur þeirra í íslenskum krónum fyrir skatt.

Leikmaður	Félag	Árstekjur
Indriði Sigurðsson	Viking	40.228.000
Birkir Már Sævarsson	Brann	24.231.000
Steinþór Freyr Þorsteinsson	Sandnes Ulf	20.395.000
Pálmi Rafn Pálmason	Lilleström	19.719.000
Kristján Örn Sigurðsson	Hönefoss	14.342.000
Matthías Vilhjálmsson	Start	13.442.000
Jón Daði Böðvarsson	Viking	10.844.000
Guðmundur Kristjánsson	Start	10.757.000
Arnór Sveinn Aðalsteinsson	Hönefoss	10.043.000
Andrés Már Jóhannesson	Haugesund	7.413.000
Guðmundur Þórarinsson	Sarpsborg	4.902.000
Þórarinn Ingi Valdimarsson	Sarpsborg	4.625.000