Kaiserslautern tapaði fyrir Freiburg, 2:0, í þýsku B-deildinni í knattspyrnu í dag, en Jón Daði Böðvarsson var í byrjunarliði Kaiserslautern, eins og í hinum þremur leikjunum eftir að hann hóf að leika með liðinu eftir áramótin.
Nicolas Hoefler kom Freiburg yfir á 8. mínútu áður en Florian Niederlichner bætti við öðru í byrjun síðari hálfleiks.
Þetta var fyrsti tapleikur Kaiserslautern síðan 6. desember en liðið hafði ekki tapað síðustu fimm leikjum sínum.
Jón Daði Böðvarsson var í byrjunarliði Kaiserslautern og lék allan leikinn í dag en liðið er í 7. sæti með 31 stig eftir 23 umferðir.