Samkvæmt dönskum fjölmiðlum hefur Gent fengið samþykkt tilboð upp á þrjár milljónir evra í Andra Lucas Guðjohnsen leikmann Lyngby og íslenska landsliðsins.
Fari Andri Lucas til Gent verður hann stærsta sala á leikmanni í sögu Lyngby. Andri Lucas er talinn hafa þegar náð samkomulagi við belgíska liðið.
Lyngby keypti Andra Lucas frá Norrköping í Svíþjóð í apríl en Íslendingurinn hefur verið á láni í Kaupmannahafnarfélaginu á tímabilinu. Andri Lucas er í landsliðshópnum sem mætir Englandi og Hollandi í júní.