Kolbeinn Höður Gunnarsson úr FH var mjög ánægður með tímann í 100 metra hlaupinu í dag á Meistaramóti Íslands í frjálsum íþróttum á Akureyri í dag en Kolbeinn hljóp á 10,61 sekúndu og sigraði.
„Meistaratitill í höfn. Það hefur sitt að segja,“ sagði Kolbeinn meðal annars þegar mbl.is spjallaði við hann.
Tíminn er jöfnun á besta árangri Kolbeins þrátt fyrir að hitastigið hafi ekki verið nema um tíu gráður í súldinni á Þórsvellinum í dag.
Kolbeinn sagðist gjarnan hafa viljað fá að reyna sig við Íslandsmethafann Ara Braga Kárason sem ekki gat verið með í dag.
Viðtalið við Kolbein má finna í heild sinni í meðfylgjandi myndskeiði.