Hamar endurheimtir sæti í úrvalsdeild
Svavar Páll Pálsson , fyrirliði Hamars, með sigurlaunin fyrir 1. deild eftir að hann hafði tekið við bikarnum úr hendi Hannesar Jónssonar, formanns KKÍ.
mbl.is/Guðmundur Karl
Setja bókamerki
Hamar úr Hveragerði endurheimti í kvöld sæti í úrvalsdeild karla í körfuknattleik þegar liðið lagði Þór úr Þorlákshöfn, 90:86, á heimavelli í lokaumferð 1. deildar. Hamar fékk 30 stig að 36 mögulegum. Hamarsmenn taka sæti Skallagríms sem rak lestina í úrvalsdeild karla, Iceland Express deildinni.
Valur, Haukar, Fjölnir og KFI höfnuðu í öðru til fimmta sæti 1. deildar og fara í aukakeppni um eitt laust sæti í úrvalsdeild karla á næstu leiktíð. Í þeirri úrslitakeppni mætast Valur og KFÍ annarsvegar og Haukar og Fjölnir hinsvegar.
Úrslit lokaumferðar 1. deildar karla:
Haukar - Valur 66:79
Höttur - KFÍ 55:97
Hamar - Þór Þ. 90:86
Fjölnir - Laugdælir 116:85
UMFH - Ármann 108:93
Lokastaðan í 1. deild karla í körfuknattleik.
Segir forseta þingsins segja ósatt frá fundinum
„Bíð bara eftir að það fari að gjósa aftur“
Mennirnir í haldi lögreglunnar á Suðurnesjum
Húsnæðisstuðningur framlengdur til áramóta
Kostnaðurinn nemur allt að þremur milljörðum
Kemur ekki til greina að semja við ESB