Gylfi Þór Sigurðsson er á meðal áhorfenda á öðrum leik Tindastóls og Vals í úrslitum Íslandsmóts karla í körfubolta.
Gylfi hefur greinilega mikinn áhuga á einvíginu, því hann var einnig á fyrsta leik á Hlíðarenda á laugardaginn var.
Var um að ræða fyrsta skipti sem Gylfi Þór sást opinberlega á Íslandi í fyrri leiknum, en hann kom hingað til lands 20. apríl síðastliðinn, eftir að hafa verið í farbanni á Englandi í tæp tvö ár.
Samningur hans við Everton rann út síðasta sumar og Gylfi hefur því verið án félags síðan en hann var settur til hliðar hjá félaginu þegar að hann var handtekinn.
Gylfi Þór lék 318 leiki í ensku úrvalsdeildinni þar sem hann skoraði 67 mörk og þá á hann að baki 78 A-landsleiki fyrir Ísland þar sem hann hefur skorað 25 mörk.