Nýskráningar bíla drógust saman um 35,4% í janúar

Nýskráningar bíla í janúar voru 1310 og er það 35,4% samdráttur frá fyrra ári. Síðastliðna 12 mánuði, til loka janúar, voru nýskráningar bíla 22.403 en það er 14,3% samdráttur frá fyrra tólf mánaða tímabili, að því er kemur fram í Hagvísum Hagstofunnar.

Kreditkortavelta heimila var 15,1% meiri í janúar 2007 en í janúar á síðasta ári. Debetkortavelta jókst um 8% í janúar 2007 frá sama tíma árið áður. Samtals jókst innlend greiðslukortavelta heimila í janúar 2007 um 11,8%.

Kreditkortavelta Íslendinga erlendis jókst um 28,4% í janúar 2007 frá sama tíma árið áður. Erlend greiðslukortavelta hérlendis jókst um 28,2% í janúar 2007 borið saman við janúar 2006.

• 1 blogg um fréttina

Bloggað um fréttina

• Stefanía Sigurðardóttir: Samdráttur?