Samherji kaupir erlenda útgerð Sjólaskipa
Setja bókamerki
Sjólaskip hf. og Samherji hf. hafa gert samkomulag um að Samherji kaupi erlenda starfsemi Sjólaskipa og tengdra félaga. Þessi félög hafa gert út 6 verksmiðjuskip og tvö þjónustuskip í lögsögu Máritaníu og Marokkó. Sjólaskip eru með höfuðstöðvar á Íslandi en með bækistöðvar á Kanaríeyjum.
Sjólaskip hafa gert út fiskiskip við Máritaníu og Marokkó síðastliðin 10 ár. Við reksturinn starfa ríflega eitt þúsund starfsmenn af ýmsum þjóðernum, þ.á.m. um 80 Íslendingar. Fiskiskipin eru áþekk að stærð og búnaði og Engey RE sem Samherji hf. keypti nýlega.
Skipin veiða einkum makríl, hestamakríl og sardínellu. Aflinn er unninn um borð en skipin eru búin öflugum vinnslubúnaði og fiskimjölsverksmiðjum. Á hverju skipi eru um eitthundrað sjómenn.
Þorsteinn Már Baldvinsson, forstjóri Samherja, segir að starfsemi fyrirtækisins erlendis verði nú um 70% af heildarveltunni. Þessi kaup séu stærsta fjárfestingarverkefni sem Samherji hafi tekist á hendur.
Eftir þessi viðskipti eiga Sjólaskip hf. eitt skip, Delta, sem stundar veiðar í landhelgi Marokkó og landar ferskum fiski til vinnslu þar í landi.
Forsetinn líti yfir axlirnar á þingheimi
Tveggja mánaða flandur um Nýja-Sjáland
Gosopið gæti stækkað á ný: „Eitthvað í aðsigi“
Fimm dauðir hvolpar fundust í poka
Eru að vakta stöðuna í bólusetningum barna
Breytingar á skipulagi fréttadeildar RÚV
Virknin færist í aukana innan 48 tíma